開箱文 – Othello Magic 2.0 三合一雙柄鍋 | 開箱、介紹
想買新煲但太多品牌唔知點樣選擇？想一次享受多種功能但預算有限？今期DSG Home 開箱介紹嘅煲就啱曬你啦！德國品牌Othello 全新產品 Magic 2.0三合一雙柄煲 矚目登場！等我地即刻開箱睇睇佢有咩設計特徵同埋特別功能啦！
Othello Magic 2.0 嘅全身圖~
一開箱就會見到有一份説明書，清楚列明注意事項同埋警告指引，大家記得要仔細睇清楚。
我地先睇下煲嘅外觀，佢嘅外表非常光滑而且印有Othello嘅Logo，鏡面非常清晰，可以清楚咁睇到倒影。
再嚟睇下煲入面，佢嘅内底部非常亮麗光澤，旁邊亦刻有度數，清晰易看。
我地再睇下煲底，煲底亦都印有Othello Logo 同埋提醒圖示。圈型紋理都好清晰，可以想象到佢有唔錯嘅導熱能力。
話明「三合一」就梗係有 3個煲啦，佢哋就好似三胞胎咁有大哥二哥同埋細佬，只需要用一個價錢就可以買到 3個唔同Size嘅煲，等你可以因應煮餸需求隨意切換用咩大小。
我地將煲放喺爐具上面，對比一下3個煲嘅大小相差，等大家有個概念。
大煲：24×17.5cm / 7.8L
中煲：20x14cm / 4.3L
細煲：16×10.5cm / 2.0L
Magic2.0亦有附送佢嘅專用煲蓋，分別都有大、中、小 3個Size，蓋頂設有展開式手柄方便你拎起.
你可能會問：明明個紙皮箱淨係啱啱好夠裝一個大煲，其他兩個煲係邊度走出黎㗎？
呢個就係Magic2.0嘅另一個特點——摺曡式收納，3個煲以一個曡一個方式收藏，從上面望可以見到3個煲完美收納。
就連煲蓋都可以一齊收納，從外表睇係咪睇唔出有3個煲曡咗一齊呢？呢個摺曡式收納設計可以幫你嘅廚房慳好多位！
聰明嘅你應該注意到煲嘅兩邊耳柄可以展開同收起，冇錯呢個亦都係Magic 2.0 嘅特點——展開式手柄。
煮飯個陣展開耳柄幫助你移動煲，用完之後收起耳柄幫助你收納。耳柄具有鎖扣式設計，將耳柄向上開90度，撻一聲就會鎖實，防止你拎起煲個陣耳柄鬆脫。
Magic 2.0係室內室外，氣電兩用，無論電磁爐、氣體爐定係卡式氣爐都一律適用，去露營個陣用一樣無問題！
整體嚟講Magic 2.0 嘅外型光澤好睇，摺曡式收納同展開式手柄設計容易用之餘慳位方面一流。1個價錢就可以買到3個不同大小嘅煲，而且每個都附送專用蓋真係非常划算！
之後就等我地試下用Magic 2.0煮餸，實測一下佢嘅實用性！（待續…）
