Description

Monacook – 陶瓷不沾鍋4件套裝26cm (櫻花色) | 韓國製可拆式手柄鍋 (現貨發售)

產品簡介

• • 一個套裝包含26cm煎鍋2個，26cm深鍋，26cm坑紋烤盤，可拆式手柄及可拆式鍋蓋，足應付各種下廚所需，廚房從此化繁為簡
  • 限時送專用收納袋，陝小空間亦能完美收納多件鍋具
  • 韓國頂尖廚具設計師集經驗、創意與匠心打造的完美鍋具組合
  • 韓國製造，採用韓國名廠ART FORTE 第6代陶瓷塗層，更不沾，更耐用
  • 陶瓷塗層鍋具正迅速普及，其不含有害物質及不沾特性是PTFE塗層易潔鑊的最佳環保物料替代品
  • 極高效不沾力，易用易潔
  • 添加抗菌塗層，更衛生安全
  • 支援明火、電磁爐甚至焗爐等各種熱源
  • 經韓國KCL食品實驗室測試，安全可靠
  • DSG Home 與 Couple Overcooked 獨家發售

送貨

• 現貨發售
• 免運費，可於 12 間 DSG 中央客戶服務門市自取 / 順豐速運/ pickupp派送

限時優惠：
1. 優惠價兼免運費
2. 限時送專用鍋蓋
3. 輸入優惠碼「monacook300」，Monacook 陶瓷不沾鍋4件套裝即減$300*
4. 全線廚房用品，購物滿 $1,200 ，輸入優惠碼「kitchen100」額外減$100*
5. 全線廚房用品，購物滿 $1,800 ，輸入優惠碼「Kitchen200」額外減$200*

* 優惠額有限送完即止
* 優惠碼不能與其他優惠碼同時使用

---

Monacook陶瓷不沾鍋4件套裝係 DSG Home 第二個引進既陶瓷塗層不沾鍋系列，除左用左最新既陶瓷塗層技術，更不沾更耐用外，佢最大既賣點就係所有部件都可以拆落黎，易於清潔，而且層層疊起後佔用空間極少，收納超方便，簡約優雅既外型仲令佢非常適合原鍋上台，碟都慳返，一個套裝就可以滿足晒各種煮食需要！

Monacook 陶瓷不沾鍋4件套裝26cm 介紹短片：

Monacook 陶瓷不沾鍋4件套裝26cm 介紹短片：

Monacook Set 產品特點：

廚房從此化繁為簡

Monacook陶瓷鍋套裝包含26cm煎鍋2個，26cm深鍋，26cm坑紋烤盤，一個套裝已經足夠應付各種下廚所需，而佢配合可拆式手柄同埋可拆式鍋蓋，使用上黎非常方便。Monacook理念係以極簡而實用既廚具，讓你更專注於下廚帶黎既樂趣！

 

層層疊式緊密收納

所有鍋同配件可以層層疊起，所佔既空間隨時少過一隻普通鑊，非常適合要用盡每一吋空間既香港家庭廚房

 

新一代陶瓷塗層 高效不沾

採用韓國名廠ART FORTE 第6代陶瓷塗層，更不沾，更耐用，Couple Overcooked親自實試過非常好用！

 

 

可逆向安裝手柄 更易發力 保護手腕

一般鑊既設計手柄離重心遠，當放滿食物要好吃力先提得起，Monacook套裝就巧妙地支援逆向手柄安裝，更易提起食物，亦保護手腕免受過重壓力

 

 

完美顏值 直接上桌

簡約設計，令每一隻鍋都適合連食物直接上桌，全套4隻鍋放上台，風格歸一，打起卡上黎特別好睇，仲洗少幾隻碟，超方便！

 

 

方型設計 容量最大化

方正既設計更能善用空間，比圓鍋處理到更多食物，實用度完勝！

 

用法多元化

首先4隻鍋已經可以處理到唔同既下廚所需，佢地仲係支援多種熱源，包括明火、電磁爐甚至連焗爐都入得(當然手柄同蓋唔入得)，而且仲可以放晒入洗碗機洗，細心既設計，體貼入微咁照顧晒各種煮食用途！

---

Monacook陶瓷不沾鍋4件套裝開箱及試用分享

打開限量贈送既收納袋，就見到Monacook既品牌徽章同埋收納得好齊整既鍋！

一共有4隻26cm鍋，包括深鍋，坑紋烤盤，同淺煎鍋2個，可以應付各種下廚所需

陶瓷塗層觸感好好，而表面有磨沙紋理，増強不沾效能，加埋可拆式手柄同可拆式鍋蓋，實在係非常方便！

用吸盤就可以提起鍋蓋，而吸盤都吸得非常實淨
鍋蓋所有配件都係可拆式，清洗上黎亦非常輕易
手柄裝上去聽到啪一聲就即係裝實左，一㩒中間粒掣就可以甩返出黎

背面就係咁，佢有特別多圈圈，依d圈圈可以增強電磁爐導熱效能，特別多圈圈可以令佢加熱速度更快
成套鍋疊起都係12cm都唔夠，超慳位！
而專用袋成個體積就約29cm x 29cm x 13cm，收納超容易，就算要去camping帶去野炊都相當合適

---

簡單試用下，煲個蕃茄薯仔魚湯睇下咩效果
一個煎pan放晒7條魚完全無問題
煎好魚，將熱水撞入。方正形狀既鍋容量特別大，就算係用緊淺煎鍋都可以倒到成鍋水去滾魚湯

將魚湯倒入蕃茄薯仔亦唔似圓鍋咁咁易由鍋底瀉出，超方便

原鍋放入蒸爐又得，甚至焗爐都得！
坑紋烤盤用黎煎牛扒就岩晒，一次過煎兩塊扒都仲好鬆動
煎出誘人既格網紋話都無咁易！

---

小編實測試後感

巧思細節 處處體貼入微

我地好鍾意Monacook set既一大原因係佢好多細節都盡見巧匠心思，例如層層疊既設計、方正鍋形令佢煮到更多食物、手柄有保護手腕既逆向安裝功能、用得明火爐電磁爐入得蒸爐焗爐、鍋蓋部件可完全拆開方便清洗… 係我地見過最強大既家用鍋具組合！

支援各種日常下廚需要

一個套裝有晒深鍋淺鍋，用黎蒸炒煮炸焗點用都得，基本上有左依個套裝就唔需要再有其他鍋，新居入伙想買套萬用鍋，Monacook應該係不二之選了

 

功能超乎想像 玩味無窮

除左照顧日常需要，就連間中想煎塊靚扒佢都有個坑紋烤盤可以完美應付突如其來既需要，下廚可以發揮更多創意，玩出更多不同菜式！

 

極簡風格 家常菜擺盤升級

依點係上面產品介紹都提過，但依點真係好正，所以講多次

易收納 易𢹂帶

限時附贈既專用收納袋體積約29cm x 29cm x 13cm，超慳位咁收納好全套鍋具。有時想去camping野炊一下？一手就可以拎走成套鍋，想去邊煮飯仔都得，為生活帶黎更多可能性！

*以上所有圖片/ 影片均獲 Couple Overcooked 授權使用

---

產品資訊：

產品名稱：Monacook – 陶瓷不沾鍋4件套裝26cm (櫻花色)
產品內容：淺鍋 x 2，深鍋 x 1，坑紋烤鍋 x 1，可拆式手柄 x 1 及可拆式鍋蓋 x 1
坑紋烤鍋  ：約5.5cm 高
深鍋          ：約8.5cm 高
煎鍋          ：約8.5cm 高